#مبادرة-#استفيد-#بوقتك
التحول الرقمى ”Digital Transformation”
محو الأمية الالكترونية موضوع مهم جدا فى اطار التطورات السريعة فى مجال تكنولوجيا المعلومات والاتصالات. ده بالإضافة لدخول هذه التطورات فى جميع مجالات العلوم الطبية والصحية والاجتماعية. وطبعا يشمل تأثير التطور ده على عجلة الانتاج.
كل هذه التغييرات أدت الى ظهور مفهوم جديد يسمى “التحول الرقمى”. “التحول الرقمى” مش بس مفهوم، ده عبارة عن رحلة. وعشان نفهم كل جزء من الرحلة دى كويس لازم يبقى مفهوم “التحول الرقمى” واضح لينا جميعا.
طيب تعالوا مع بعض نجاوب على عدد من الأسئلة:
السؤال الأول: ما هى الرقمنة؟
السؤال الثانى: ما هو التحويل الرقمى؟
السؤال الثالث: ما هى الميكنة الرقمية؟
السؤال الرابع: ما هو التحول الرقمى؟
الرقمنة والتحويل الرقمى عبارة عن مسميات لمعنى واحد ويطلق عليه بالغة الانجليزية Digitization. باختصار هو تحويل أى صورة، ملف، اشارة أو حتى جسم الى بيانات رقمية يعنى بيانات ينفع قرائتها باستخدام الكمبيوتر.
أما الميكنة الرقمية هى استخدام الماكينة التى تستخدم البيانات الرقمية في أداء مهمةٍ ما، أو بطريقة آخرى الادارة الآلية بواسطة المكينات.
قبل ما نجاوب على تعريف مفهوم التحول الرقمى (Digital Transformation, Digitalization) لازم نعرف أن التحول الرقمى عبارة عن مجموع:
فكر ابداعى يعنى فكر جديد أو فكر بيفكر خارج الصندوق
+ سلوك/ نمط تم تغييره
+ وجود تكنولوجيا (تقنية حديثة)
———————————————————–
= تحول رقمى
اذن فالتحول الرقمى هو الاستثمار في الفكر وتغيير السلوك لإحداث تحول جذري في طريقة العمل، عن طريق الاستفادة من التطور التقني الكبير الحاصل لخدمة المستفيدين بشكل أسرع وأفضل.
بعد التعريفات الكتير دى يبقى التحول الرقمى مش امداد أماكن بالانترنت أو أجهزة كمبيوتر، ولا كمان هو شخص فاهم استخدامات التكنولوجيا الحديثة أو يعرف يتعامل بيها (اللى احنا بنسميه ده فاهم فى الكمبيوتر). ده كمان محتاج فكر ينظم استخدام التكنولوجيا الحديثة و يغير سلوك الأفراد والمؤسسات بطريقة جديدة و مبتكرة.
يعنى لو حبينا نطبق التعريف الخاص بالتحول الرقمى على مصنع يبقى لازم المصنع ده عنده مدير مبتكر (فكر ابداعى) وأجهزة حديثة (تكنولوجيا تقنية حديثة) و عمال يعرفوا يتعاملوا مع هذه الاجهزة الحديثة مش بس كده دول مقتنعين بفائدة استخدام هذه الأجهزة.
طيب ايه فايدة انى اطبق مفهوم التحول الرقمى؟
عايز تعرف، تابع معانا فى البوست القادم ان شاء.
لو حابب تزود معلوماتك عن التحول الرقمى:
Understanding digital transformation: A review and a research agenda.
https://www.sciencedirect.com/…/a…/abs/pii/S0963868717302196
Digital learning: Developing skills for digital transformation of organizations.
https://www.sciencedirect.com/…/a…/abs/pii/S0167739X18311191
مع تحيات
د.سماح العايدى
مدير وحدة التحول الرقمى وتكنولوجيا المعلومات
كلية الطب- جامعة قناة السويس
